الأربعاء، 5 فبراير 2020

عودة ؟!!


الحياه مراحل
افتكرت المدونة و قلت أشوفها
خدني الحنين ليها 
وحشتني أيامها
حاجات كتيرة أوي اتغيرت
أنا نفسي مبقيتش أنا
أولادي كبروا
الدنيا و البلد بقوا حاجة تانية
أحلام ماتت 
و أمنيات جديدة
الفيس بوك سرق الناس من المدونات
مع انها حاجة جميلة
مش عارفة لسة في حد بيقرأ مدونات
ولا خلاص بقت موضة قديمة
طب فين الناس
فين أصحابي
يا رب كل الناس تكون بخير
و يا رب تكون السنين حنينة عليكم
دمتم بخير
و دمتي بخير مدونتي العزيزة


الأربعاء، 23 مايو 2012

انتخابات الرئاسة 2012


الله أكبر
الله أكبر
الله أكبر

اللهم أصلح حال مصر بمن تراه أصلح لها و لشعبها
.
اللهم ارحم شهداء مصر و أجزهم خير الجزاء فلولاهم ما رأينا هذا اليوم
.
اللهم يا عدل لا تجعل للظالمين نصيباً فيها
.
اللهم لا تشمت بنا الأعداء فأعداء مصر كثر
.
اللهم من كتبت له الولاية على مصر ساعده لتحقيق الخير و تنفيذ شريعة الله و ابعد عنه حاشية السوء ولا تعمي عينيه بمال أو سلطة أو جاه.

آمين

الأربعاء، 25 يناير 2012

فاصل و نواصل



احتفال لأ..
استكمال الثورة آه
طب و ليه مش الاثنين 
أنا واحدة من الناس ...
لما أصحى الصبح كل يوم و أبص في أي جريدة و ألاقي ان صورة مبارك مش في الصفحة الأولى...لازم أفرح
و لما أشوف مجلس شعب أنا اللي اخترته ...لازم أفرح
و لما أحس ان الناس صحيت و مابقتش بتسكت على أي غلط ... طبعاً لازم أفرح
و لما أبص على ميدان التحرير و أشوف الناس دي كلها و أعرف ان احنا ممكن في لحظة نتجمع مهما اختلفنا ...لازم أفرح

لكن...
كمان ماينفعش أنسى الشباب اللي ضحوا بحياتهم علشان كل اللي فوق ده يحصل
ماينفعش أقلع لواحد عينه و أديله ميدالية
ما ينفعش كل ما أحب أقول رأي أو أتظاهر سلمي أو أعتصم سلمي أتضرب و أتسحل و أتعرى .
ما ينفعش أسكت على كل ده..
يبقى إييييييييييييييه؟؟

الثورة مستمرة

تفاصيل من حياتي كل يوم بيومه