الأحد، 14 يونيو 2009

أفتح قلبك

منذ عدة أيام وأنا يشغل تفكيري موضوع : ما الذي تتوقع حدوثه بعد 5 سنوات من الآن؟ ما الجديد اللذي سيحدث في حياتك خلال هذه الفترة , و أين ستكون؟ و هنا هداني تفكيري إلى النظرة التفاؤلية التي ننظر بها للأمور وأهميتها في تحديد المستقبل طبعا كل شىء بيد الله ولا نخطوا خطوة واحدة خارجين عن ارادته ولن يحدث إلا ما قد كتبه الله و لكني اؤمن بأن الله قد جعل لنا إراده حره من خلالها نستطيع توجيه مسار حياتنا أعرف أن هناك أشياء و أشخاص أو أماكن لا نرغب بتغييرهم و نتمنى وجودهم في حياتنا دائما. كل هذه المقدمة للوصول إلى سؤال : أذكر10 أشياء في حياتك أنت شاكر لله عليها ولا ترغب بتبديلها لأي شيء آخر هذه دعوة مني لكل من يدخل مدونتي ويرغب فى الأشتراك في الرد على السؤال بأن يكتب بوست خاص به في مدونته ليرد على السؤال مع وضع لينك لموضوعي ونفس الصورة الموجودة لدي. سأبدأ أنا بالرد على السؤال
أذكر10 أشياء في حياتك أنت شاكر لله عليها ولا ترغب بتبديلها لأي شيء آخر؟ (بدون ترتيب) 1- أولادي قرة عيني 2- زوجي وحبيبي ورفيق دربي 3-صحتي أدامها الله 4-الإيمان ..اللهم قويه واصلح عثراتي 5-إخوتي اللهم أصلح أحوالهم 6-أهلي و أهل زوجي 7-أصدقائى و بخاصة أصدقاء مدونتي 8-تفكيري الحمد لله أثق فيه و في قراراتي 9-مدونتي ..وشجاعتي ان أكتب فيها 10-مصريتي و إن كانت لا توفي مصر حقها ولكني أعمل على تحسين هذه النقطة تحديث: حابه بس اقول ان اللي عاوز يرد من خلال التعليقات ياخد راحته بس عشان محدش يحس اني بفرض عليه البوست الخاص. أنا بس كان قصدي انه موضوع يستحق ان يكون ليه بوست لوحده يشوفه اى حد يدخل مدونتك الخاصة لأنه أكيد هيتعرف عليك أكتر من خلاله.

هناك 23 تعليقًا:

د/عرفه يقول...

فكرة الموضوع جميلة فعلا
محتفظ بالتخيل بعد 5 سنين لنفسى
اظن انها مرحلة حاسمة جدا فى حياتى

بالنسبة لل10 حاجات
1- دينى اظن ان افضل نعمة انعمها ربنا عليا
2- والدتى وأسرتى والعائلة
3_أصحابى
4- صحتى الحمد الله نحمد ربنا تمام
5-طريقة تفكيرى واسلوب تعاملى مع الناس
6-هيئتى -شكلى يعنى-
الحمد الله انا مش امور بس الحمد الله راضى جدا بيه ومش عايزه يتغير ابدا الا مع السن طبعا
7-كونى دكتور الحمد الله انا لسه فى اخر سنة
اتمنى انى اكمل واكون دكتور نافع لدينى ومجتمعى
8-جهاز الكمبيوتر بتاعى
صاحبى الدود
9-المدونة بتاعتى
10- كل الناس اللى بتواصل معاهم على النت سواء خلال الفايس بوك او خلال المدونات

مامة مازن يقول...

دودى سكتى سكتى ورجعتى بحاجة جامدة اوكى يا دعاء وجب التنفيذ ان شاء الله
حضن كبير ليكى ولكتاكيتك الصغننين

Ahmed Talk يقول...

فكرة طيبة وحاجة حلوة لكن أفضل أوقل الكلام ده هنا وممكن بعدين ابقي أعمل موضوع
1- الإسلام وكمان كوني سني وبافضل الناس بتاع السلف لما أحب أستفتي
2- عربي وإني بتكلم عربي وبحب اللغة أي نعم أنا مش عاطيها حقها لكن أحاول إن شاء في المستقبل أكن أفضل من كدة
3- أبي وأمي وأخوتي طبعا دووووووووول أهم حاجة في حياتي ونفسي أعرف أرضيهم وأفهمهم ويفهموني كمان
4- خطيبتتي وهي رسميا بقت مراتي
5-قناعتي بما أنا عليه وطمعي أنه يستمر بإرادة الله سبحانه وتعالي إن شاء الله
6- الصحة والعافية والحمد لله
7- جدتي من أمي وخالتي رغم المسافات اللي بتبعدني عنهم
8- أهل مراتي حساس أنهم بقوا أهلي خلاص
9- مصري
10- المدونة والكمبيوتر

دعاء يقول...

د/عرفة
أحمد

شكرا لاهتمامكم و يا رب يحقق امانيكم كلها ويحفظ لكم كل الناس والحاجات اللى بتحبوها

دعاء يقول...

مامة مازن
مستنية منك حاجة جامدة زي ما اتعودت منك
متتأخريش

نكهة مغربية يقول...

دعاء يا قمر انتي مقلتليش رأيك في الهدية اللي بعتهالك في مدونتي أنت شفتيها؟؟؟؟؟؟؟؟؟؟؟؟

دعاء يقول...

حبيبتي نكهة مغربية انا عملت لك شكر خاص عل الجنب فى مدونتي وبجد شاكرة لزوقك.

MOHAMMED ELBANNA يقول...

دعاء
كيف حالك ؟
اتمنى تكونى بخير انتى وزوجك وابنائك.
عندما دعوتيني لم استطع ان ارفض الدعوى وانا فعلاً كنت مستعد على الرد على هذا الموضوع المتميز .
ونبدأ بأسم الله .
بالنسبة للخطة :
انا والحمد لله واضع خطة لي منذ سنوات واتابعها بشكل دائم وبفضل الله احقق منها الكثير .
بالنسبة لأهم 10 اشياء في حياتي واشكر الله عليها :
1- الاسلام وان الله هو ربي ( لأنى لن اجد ارحم ولا اكرم منه )
2- صحتى الجيدة (الحمد لله )
3- طموحي واحلامي .
4- عائلتي .
5- اصدقائي واحبابي .
6- عقلي الذي احترمة بشدة .
7- عملي في التنمية البشرية .
8- مهاراتي الشخصيه في الاتصال والتواصل مع الاخرين .
9- مدونتي وزوارها .
10-حبي للقراءة والاطلاع .

جزاكي الله خيراً على موضوعك المتميز وعلى دعوتك السخية ، بارك الله فيكي .
تقبلي مروري وتحياتي.
محمــد البنا
طريق النجاح

ماما أمولة يقول...

اشكرك لزيارتي التي سمحت لي بالتعرف على مدونتك الجميلة

وتدويناتك الرائعة

يسعدني التواصل معك

دمت بحفظ الله

شمس النهار يقول...

ماشاء الله عليكي يادعاء
بجد بوست جميل ودعوه كريمه
البلوجر كان محتاج حاجه زي دي فعلا
عشان اللي عنده اكتئاب يحس بنعم ربنا عليه فيفكها
الله يكرمك

انا هحط اللينك عندي
ويومين كده واعمل بوست مخصوص ياجميله
تسلمي

safa7_karmooz يقول...

يكفى اول حاجه انى لسه عايش

تانى حاجه نعمة الاسلام ^_^

دعاء يقول...

محمد البنا
شكرا لاهتمامك ..حاسة انى عرفتك اكتر شوية

دعاء يقول...

ماما امولة
انتى اللى بجد شرفتينى
و يا رب متكونش آخر زيارة

دعاء يقول...

شموستي الغالية
شاكرة جدا لاهتمامك وعلى اللينك لمدونتى
ربنا يخليكى لينا

دعاء يقول...

safa7_karmooz
المفروض اننا نخمن ال8 الباقيين
ههههههههههههههه
شكرا لزيارتك الاولى ويا ريت تتكرر

Lady E يقول...

دودو بلدياتي

البوست جميل اوي ربنا يديم عليكي وعلينا نعمه

سعيدة اني عرفت مدونتك الجميلة

دعاء يقول...

Lady E
نورتينى يا قمر
وشكرا لزوقك الجميل ويا رب تكررى الزيارة

بـراااح يقول...

دعاء
من سنه بالظبط كان عندي مقابلة في جامعة عشان اكمل دراستي هناك و استعديت لكل الاسئلة المتوقعة و و اتسالتها كلها و جاوبت عليها لغاية آخر سؤال اللي كان مفاجاة ليا و هو نفس سؤالك " ما الذي تتوقع حدوثه بعد 5 سنوات من الآن؟"
متهيالي اننا محتاجين نسال نفسنا السؤال ده قبل اي قرار بناخده في حياتنا عشان نعرف تاثير القرار ده ممكن يكون ايه
انا باحمد ربنا علي كل حلم اتحقق من يوم المقابلة دي لغاية النهاردة ... حاجات كتير ربنا انعم عليا بيها خلال السنة اللي فاتت و لغاية النهاردة الحمد لله
بوست جميل يا دعاء .. دي اول مرة ازورك و ان شاء الله مش الاحيرة

الجواز و سنينه يقول...

فكره حلوه و هارد عليها عندى

Mona يقول...

السلام عليكم يا دعاء أنا عرفت موضوعك من ماما مازن والواحد دايما لازم يفتكر نعمة ربنا عليه وأهم عشرة بالنسبة لى : الحمدلله على : 1- نعمة الاسلام
2 انه رزقنى بأولادى كريم وأكرم
3 أنعم على بنعمة العلم واجادة اللغة الانجليزية بجانب العربية
4عشقى للقرأة والاطلاع على ما هو جديد
5 نعمة البصر والسمع وكل الحواس التى تجعلنى اشعر بحلاوة وطعم الحياة
6 أننى أعيش فى مصر وأننى مصرية رغم كل الارف لكن الحمدلله أن بلدى لاتعانى من الحروب
7 أصدقائى وأحبائى والاصدقاء الجدد الذين لا أعرفهم الا من خلال النت والفيس بوك والمدونات
8 نعمة الحرية والتعبير بالقلم من خلال المدونة
9 القدرة على التواصل مع الاخرين وأسعادهم ان أمكن
10 نعمة التخيل والاحلام حتى وان كانت مؤجلة

أما ما أراه خلال 5 سنوات فهذا فى علم الغيب وأن كان حلم فأحب الاحتفاظ به لنفسى وأشكرك مرة ثانية

دعاء يقول...

برااح
المهم قبلت فى الجامعة
يا رب بالتوفيق دوما

دعاء يقول...

الجواز و سنينه
ياله مستنية الرد
نورتينى

دعاء يقول...

Mona
أولا تمنياتى بتحقيق كل احلامك وربنا يبارك لك فى أولادك.

ثانيا مدونتك حلوة جدا وكلماتك فيها اكتر من رائعة.
أتمنى لك دوام التوفيق