الاثنين، 11 مايو 2009

فضفضة

صباح الخير..أو مساء الخير ..حسب النهردة انا زهقانة و نفسى مصدودة قولوا بقى ايه الاكتئاب ده على الصبح بس بجد اكيد كلكم عارفين الاحساس ده لما تكون نفسكم مقفوله من كل حاجة ومش عاوزين تعملوا أى حاجة ونفسكم حد ييجى يقولكم ادخلوا ناموا وسيبوا كل اللى فى ايديكم وساعتها تقولى هييييييييييييييييييييييييه بس ساعتها يا ترى هنرتاح وللا زى ما بيقولو الدنيا مافيهاش راحة بقولكوا ايه سيبكم منى ومن تخاريفى التفاؤل حلو برده صح؟ نعتمد على الله وهو قادر على كل شىء انتو بتعملو ايه لما تيجى الحالة دى؟

هناك 11 تعليقًا:

مامة مازن يقول...

دعاء لالالالا معلش ليه بس كده انا بكره الحالة دى
علشان لما بتحصل بمنع كلام خالص واقعد على الكنبة المفضلة بتاعتى واديها شاى شاى شاى

دعاء يقول...

مامة مازن
و لا شاى الدنيا ينفع معايا صدقينى الحل الوحيد هو النوم واسألينى أنا

نكهة مغربية يقول...

و الله في الحالة دي بشغل جهاز الكميوتر و نسى نفسي في النت و المدونة

أخ نسيييت صباااااح الفل و الياسمين

عمرو يقول...

التفاؤل ده شىء جميل و ربنا يبعد عننا الاٍكتئاب ..
لما بتيجى لى الحاله دى بأقوم أحلق دقنى و أستحمى و ألبس شيك جدا و أحط برفان غالى جدا و ما أخرجش من البيت ممكن يعنى و أبص لنفيى فى المرايه و أقنع نفسى اٍن الدنيا حلوه و جديره اٍن الواحد يلبس لها كويس و يعيشها كويس و غالبا بتروح الحاله دى على طول :)
أهى محاوله بأعملها للخروج من بوتقة العزله و الاٍكتئاب و الملل ..
تقبلى تحياتى و تقديرى ..

عاشقه وغلبانه يقول...

قولي يارب
الدنيا الايام دي مالهاش طعم عند اغلب الناس
بس احنا بنحاول نضحك علي روحنا وعلي غيرنا وعلي همومنا ونقنع نفسنا اننا قادرين نضحك

romansy يقول...

اوقات كتير بنكون فى الحاله دى بس اقولك حاجه النوم وسيله للهرب منكرش انى اوقات بهرب بيها وبحلم بالعالم اللى اتمنى اعيش فيه
بس اول زياره تكون كده
اتفائلى احسن

دعاء يقول...

نكهة مغربية
النت فعلا ممكن نغرق فيه و ننسى الدنيا


..........................

أ/عمرو
شرفتنى جدا بمرورك
أن شاء الله الزيارة الجايه تكون فى حاجة متفائلة شوية

دعاء يقول...

عاشقة وغلبانة
الأيام بتعدى بحلوها و بمرها دة حتى اليوم الواحد بيتغير المود فيه ييجى 100 مرة.
أهلا وسهلا بيكى


...................

رومانسى
برده معلش وزيارتك الجاية أجهز لك حاجة تفتح النفس
شكرا لزيارتك

arsenalwy يقول...

واللهى يامدام لما تجيلى الحالة دى ببقى مش طايق نفسى فعلا بس بحاول اغير لأما اخرج من البيت لأما اسمع درس دينى وصليلى ركعتين

هتاخد وقتها وتروح ان شاء الله

أم أحمد المصرية يقول...

شوفي يا ستي
اصلي ركعتين و اقرا شوية قرآن
البي لبس شيك و اضبط نفسي لزوم رفع الحالة المعنوية و اعمل لنفسي مشروب علي مزاجي و اتكلم مع حد برتاح له و .........
فيه حاجات كتير قوي
اهمها اني احاول احدد انا متضايقة من ايه و احاول احل مشكلتي
دمتي متفائلة دائما يا رب

دعاء يقول...

arsenalwy
و
أم أحمد
ربنا يتقبل مننا جميعا ويفق ضيقتنا
شرفتونى بجد بإهتمامكم بالرد عليا وأنا فى الحالة دى
شكرا ليكم جميعا
دعاء

تفاصيل من حياتي كل يوم بيومه