الثلاثاء، 12 مايو 2009

و أحببتك إلى الأبد

في البداية كده وعشان محدش يفكر انى بقيت بكتب شعر ,الكلام ده مش كلامي ده منقول من مجلة زهرة الخليج سنة2000 وعلى ما أذكر الكاتبة كانت اسمها شهرزاد كنت بحب زماااااااااااان أنقل الكلام اللى بيعجبنى عندى زمان قوى أيام لما مكانش فى أولاد بيزنوا على دماغي زي نور كده ماهى بتزن وبتتخانق مع أحمد وأنا بكتب ودماغي هيحصل فيها انفجار ما علينا خلينا في الكلام اللي جاي و اللي أتمنى انه يعجبكم زي ما كان عاجبني زمان ودلوقت لو أنك أخبرتنى.. أن الشمس تشرق لي وحدي و ان القمر يضيء لي وحدي و أن الطيور تغرد لي وحدي لصدقتك..!! و أحببتك إلى الأبد. لو أنك علمتني .. الوفاء بعد الخيانة و الصدق بعد الكذب و الأمان بعد الخوف لوثقت بك..!! وأحببتك إلى الأبد. لو أنك أوهمتني.. أن لون السماء أحمر و لون الأشجار أبيض و لون الثلوج أسود لرأيت الوجود بعينيك..!! و أحببتك إلى الأبد. لو أنك حدثتني.. أنك الصادق الوحيد فوق الأرض و الفارس الوحيد فوق الأرض والعاشق الوحيد فوق الأرض لصدقتك..!! و أحببتك إلى الأبد. لو أنك رحمتنى.. و تسترت عند الغدر و تسترت عند الكذب و مارست الخيانة في الخفاء لأغمضت عيني..!! و أحببتك إلى الأبد. لو أنك خدعتني.. و وعدتني بسفينة نوح وعصا موسى و ناقة صالح لصدقتك..!! و أحببتك إلى الأبد. لو أنك دربتني.. على الطيران بلا أجنحة والحياة بلا ماء و التنفس بلا هواء لتمكنت من الحياة بعدك..!! و أحببتك إلى الأبد. لو أنك صارحتني.. أن الواقع أقسى منك و أن الظروف أقوى منك و أن الحلم الجميل أكبر منك لعزرتك..!! و أحببتك إلى الأبد. لو أنك قاسمتني.. نصف الأحزان و نصف الضياع و نصف البكاء لاحترمتك..!! و أحببتك إلى الأبد. لو أنك غادرتني.. كفرسان الأمس مرفوع الرأس و تحت أضواء الشمس لقدرتك..!! و أحببتك إلى الأبد. لو أنك منحتني.. نصف قلبك ونصف حلمك ونصف عمرك لمنحتك عمري كله..!! و أحببتك إلى الأبد. لو أنك خلفتني.. فوق الأرض الخضراء و تحت السماء الزرقاء وبين الورود الحمراء لشكرتك..!! و أحببتك إلى الأبد. لو أنك عذبتني..رغما عنك و فارقتني..رغما عنك وتنازلت عني ..رغما عنك لبكيتك........ و أحببتك إلى الأبد..إلى الأبد.

هناك 20 تعليقًا:

إيمان يقول...

بجد كلمات جميله جداااااااااااااا

كويس انك قرتيها زمان مش دلوقتى والا كنا عمرنا ما شوفناها
انا كمان كان عندى نفس العاده
بس برضه طلعت فى الغسيل

شمس النهار يقول...

كلمات قويه جداوخصوصاالاتنين دول قوة الصدق وانهيار المشاعر لدي الانثي وهي محطمه تناجي من حطمها

لو أنك قاسمتني..
نصف الأحزان
و نصف الضياع
و نصف البكاء
لاحترمتك..!!
و أحببتك إلى الأبد.

لو أنك غادرتني..
كفرسان الأمس
مرفوع الرأس
و تحت أضواء الشمس
لقدرتك..!!
و أحببتك إلى الأبد.

اول زياره ليا الحقيقه لاقيت حاجه جميله بس مؤلمه جدا

مامة مازن يقول...

دعاء يا ام العيال اه ياما نسينا حاجات بنحبها بس ان شاء الله نحاول نعملها تانى واهى المدونات دى فرصة كبيرة
بس فعلا كلمات جميلة جدا ومؤثرة
وهى دى المرأة لما بتحب وتوصل لدرجة العشق بيبقى عندها زى استبحس مستعدة تعمل اى حاجة علشان ترضى اللى بتحبه ومستعدة تقبل منه ولو اشارة بسيطة انه بيحبها وممكن تبقى عارفة بلاويه وتستحملها برضه
مش بقولك استبحس الغرام ده مرض خطير علشان بياثر ع التفكير
انما الحب اللى عينه مفتحة ومخه وقلبه ده حب صحى
يلا بقى ما كلنا اتنيلنا وحبينا بس الحمد لله يستاهلو حبنا بايمانهم بالله واخلاقهم العالية
دمتى بسعادة دعاء

مامة مازن يقول...

بقولك ايه تصدقى كنت فاكره انك كتبتى شعر ذى ما قولتى فى الاول
خلى بالك متخليش استاذ ادهم ينسى مدونته زيك زمان
اوكيه سلامى لقطاقيطك الصغننين

دعاء يقول...

إيمان
ميرسي على زوقك
أنا فعلا دلوقت في حاجات كتير بتعدي عليا لأنى مش فاضية أهتم .. تصدقي


...............

شمس النهار
أشرقتي ونورتى المدونة
الواحدة لما تحب بتبقى مستعدة تتغاضى عن حاجات كتيرة جدا وتتقبل الحبيب بكل ما فيه..بس اللي يستاهل
اتمنى تنوريني تاني

دعاء يقول...

مامة مازن
صديقتي فى الاستبحس
كلنا وقعنا ومحدش سمى علينا, بس الحمد لله الوقعة كانت مش مؤذية لانهم يستاهلم ربنا مايحرمناش منهم

والل أنا تقريبا كل يوم أشجع أدهم يكتب بس هو يقولي " يا بنتي دي بالكيف مش بالكم "
و يقعد يتفلسف عليا بقى...
شكرا ليكى و سلامي كمان لأولادك

نكهة مغربية يقول...

و الله يا دعاء أنا حبيت الكلام اللي قلتيه في الاول أكتر من كل حاجه
هو صحيح كلام شاعرة ماشاء الله بس اللي قلتيه في الاول كلام أم جميلة عندها قمرين مضويين حياتها و باين انهم عسل
ربنا يفرحك بيهم

موناليزا يقول...

أحييكِ جدا على امانة النقل
وعلى ذوقك الجميل بجد كلمات ولا اروع

أم أحمد المصرية يقول...

كلمات معبرة
انا قلت اجي اسلم و اشوف مزاجك النهاردة عامل ايه
شكله احسن مش كده :))

دعاء يقول...

نكهة مغربية
ربنا يخليهم ليا هم فعلا على قد تعبهم على قد ما هم ماليين حياتنا
شكرا ليكي


...................

موناليزا
لازم يكون في أمان امال تبقى فين المصداقية,وتثقوا بعد كدة فيا ازاى.. صح؟
شكرا لمرورك اللطيف

دعاء يقول...

أم أحمد
تسلمى لى يا رب
آه الحمد لله النهردة أحسن كتييير
ربنا يكرمك يا رب

ELMASRYA - SHAMLOOLA HANEM يقول...

شكرا يا دودو على الإختيار الرقيق ده

لو فيه راجل بيعمل الحاجات الرائعة دي ماكانش يبقى فيه وجود لكلمات زي الخيانة والغدر والفراق والصدمة والإنهيار والكفر بالحب

لكن علشان الراجل هو الراجل طبعه الغدر والخيانه اتكتبت الكلمات اللي بتنطق بالعذاب والحيرة دي

ولعلمك بقى لو اتوجد الرجل الرقيق ده هتلاقيه مرتبط بواحده فظيعه وشرسه لا تقدر رومانسيته

إحنا عايشين في دنيا العجائب

تقبلي مروري

عمرو يقول...

صعب أوى الحقيقه أن يبقى فيه حد يستاهل كل هذه المزايا الممنوحه له و اللى غالبا مش بيحسن الحفاظ عليها ..
كلمات جميله و رقيقه و لكن بها مسحة شجن شتائى :)

دعاء يقول...

ELMASRYA - SHAMLOOLA HANEM
هو طبعا مش كل الرجالة تستاهل الكلام ده بس فيه فعلا رجالة محترمة وعارفة ربنا وبيصونوا العشرة وبيحترموا حبك ليهم ..ربنا يزود من أمثالهم
و بعدين هو الحب ايه غير حيرة وعذاب..وهى دى حلاوته
لما نحس بالراحة بعد كل التعب و نوصل للي اتمنيناه واتعذبنا عشانه.

شكرا للمرور ونورتيني

...........................

عمرو باشا
نورتني بتكرارك لزيارتي
هو فعلا اللي يستاهلوا المزايا دي كتير بس اللي بيحافظ عليها قليلين.
و شكرا لزوق حضرتك

Unknown يقول...

كلام حلو و لكن زي الورد الأفرنجي لون و منظر بدون ريحة

لكن الورد البلدي بيكون حاجة تانية

Unknown يقول...

صدق اللي قال مراية الحب عمياء

د/عرفه يقول...

يا سلاااااام
رومانسية جميلة
اوى

ملكة في بيتي يقول...

فكرة لذيذة انك تجمعي الكلام اللي يعجبك وتنقليه عندك

الفكرة دخلت دماغي وهسرقها منك هههههههههههه

ذوقك راقي وجميل

وربنا يبارك لك في العيال

تحياتي

دعاء يقول...

انترنتاوى
الحب مبيعرفش بلدى ولا افرنجى

.......................

أحمد
هو انت متعرفش مش اتدشدشت المراية ومعاتش اساسا مراية
هههههههههه

دعاء يقول...

د/عرفه
ميرسى على زوقك


.........................

ملكة فى بيتى
انتي فين من زمان؟
وبعدين يا ستى دى مدونتك وتاخدى منها اللى انتى عاوزاه
نورتينى

تفاصيل من حياتي كل يوم بيومه