الأحد، 14 يونيو 2009

الحمد لله

شكرا لكل اللي سألوا عني في غيابي و آسفة جدا علي التأخير ومع ان الفترة مش طويلة بس بالنسبة ليا كانت مدة طويلة بس حقيقي مكانش بينور يومي إلا اني أقرأ تعليق أو ألاقي كلمة تشجيع من أصدقائي وعشان أطمنكم أنا الحمد لله بخير وسامحونى عشان مكنتش بمر عليكم كتير أو بعلق بس بجد انا نفسيتي كانت وحشة جدا المهم انتوا عاملين ايه وحشتوني وصلني منكم كام تاج على هدية حلوة تسلمولي يا رب و ربنا يديم المحبة بيننا مامة مازن أنا حابة أشكرك بصفة خاصة أدهم بيقولى واضح ان مامة مازن دى طيبة وبتحبك ربنا يخليكي لأولادك ويخليهم ليكي وتفرحي بيهم يا رب ويبارك لك في زوجك وبيتك ويجازيكي عني خير

هناك 8 تعليقات:

كيــــــــــــارا يقول...

حمد الله علي السلامه ياقمر

عودا احمدا :)

مامة مازن يقول...

دعاء ياااه اخيرا
طول ما احنا عايشين هنحس بمد وجذر من ناحية حبنا للدنيا واقبالنا عليها او اقبالنا على الحياة نفسها والنفس اللى بنتنفسه ممكن نبقى مش عايزين نقوم من السرير لكن بنضطر لكده لانك لازم تقومى تصلى ولازمى تقومى تشوفى طلبات الاولاد والبيت لكن بيفرق انك تشوفى طلباتهم كانه واجب مفروض او لانه حب ليهم بتفرق كتير ومع احساس الحب ده منهم وليهم بتلاقى الهموم دى بتدوب حبه حبه
وجود الاصدقاء فى حياتنا مهم لكن انا واحدة من الناس
مكانش لى اصحاب من سنين بعدنا عن بعض ممكن يكون انا السبب هما السبب لكن فى الاخر هى مش صداقة قوية اكيد علشان كده ضاعت
ولما بدات المدونة فى فبراير اللى فات كنت بدور على مساحة اكلم نفسى فيها او اكلم حد مش عارفة المهم لقيت يوم ورا يوم ان بحس انى بعيش تانى احساس الصداقة ولو بالمراسلة عن طريق المدونة لكن الاحساس ده مكفينى ومريحنى جدا
علشان كده انتى يادودى والناس الحلوة اللى عندى واللى الحمد لله ناس احسبهم على خير من اللى بيزورونى دائما على صفحات المدونة بقيتو اصدقاء بالنسبة لى اصحابى اللى بستنى مراسلاتهم على المدونة لانكم ليكم فضل عليا خرجتونى من حالة الوحدة اللى كنت فيها بجد
طولت عليكى ورغيت كتير معلش بس فعلا بحبك فى الله اختى العزيزة وميرسى كتير جدا ليكى

مامة مازن يقول...

يا نهار دا التعليق طويل قوى معلش بقى موااه

إيمان يقول...

حمدا لله على السلامه ومستنيين موضوعاتك الجميله

انتى كمان وحشتينا

MOHAMMED ELBANNA يقول...

دعاء
نحمد الله على السلامه وعوداً حميداً لمدونتك الرائعه ولأصدقائك من كل مكان .
بارك الله فيكي واصلح لكي نفسيتك .
تقبلي تحياتي .
محمــدالبنا
طريق النجاح

أم أحمد المصرية يقول...

حمد لله علي السلامة يا قمر
بس ما تغبيش عنا كتير
المدونة احلي حاجة فيها انك تكوني علي راحتك مهما كانت حالتك النفسية
اسعد الله قلبك دائما

Ahmed Talk يقول...

حمد لله علي السلامة وإن شاء الله متغبيش عنا ثاني

دعاء يقول...

أصحابي الأعزاء و اللي كمان أحسبهم أصدقاء
بشكر اهتمامكم ويا رب يخليكوا ليا