الاثنين، 6 يوليو 2009

تاج 1

أولا أنا مش بحب التاجات بس بحس انها أمانة وحملهالي شخص ومشى التاج ده كان من الأخت بنت أبيها بسم الله من أنت ؟ زوجة وام لطفلين وأحاول ان أكون ناجحة فى الاثنين. ما الذى تفعله هنا ؟ عن ماذا أكتب ؟ عن الامومة والزواج والبيت واحيانا الزراعة وخواطر أخرى قد لا يهتم بها أحد ولكنى ...أهتم. إسرائيل تقصف كل جنوب ممكن بحثاً عنك أى شمال تقصد ؟ أينما يذهب أدهم ( وراك وراك ) أنت مكلف بحذف حرف من حروف اللغة العربية أيها ستختار ولماذا ؟ أحذف ايه ..ده كان أدهم يدبحني لو قدر لك أن تدخل السجن فما هى القضية التى تتمنى أن تدخل بها إليه ؟ أنا انسانة مسالمة جدا ولو دخلت أكيد هكون مظلومة منذ متى اكتشفت نفسك ؟ اكتشاف النفس بيتم على مراحل و كل شوية أكتشف نفسي أكتر على مفترق طريق لافتتان اليمنى تقول ( إلى حلمك ) واليسرى تقول ( إلى ما لم يحلم به البشر ) أى الطرق ستسلك ؟ هلف و أرجع تاني نحن لا نعيش حياتنا بل نتعلم فيها كيف نعيش ما تعليقك ؟ ولماذا لا نعيش ونتعلم في نفس الوقت بجملة واحدة فقط اكتب تعريفاً لكل كلمة من الكلمات التاليه : الوطن :بحر نرتمي في أحضانه وقد نغرق فيه الأم : نور الليل :حبيبي القمر ينوره الحب :حبة فوق وحبة تحت أمريكا :الحلم المستحيل المرأه :طفلة مدللة لن تكبر الصمت :صديق وعدو الإنترنت :دوامة اخترمنصباً واتخذ قراراً ؟ مش عارفة!!؟؟ قيس ، عنتره ، جميل هم الذين يقولون شعراً ، وليلى وعبله وعزه " صموت " لماذا هذا التغييب للمرأه ؟ و هم أساسا بيعطولنا فرصة نتكلم أمال هيضحكوا على عقلنا ازاي بس بعد الجواز بقى نشحت منهم الكلام إلى أين تمضى كلمات الحب بعد أن نقولها ؟ تتبخر هل تجد علاقة بشكل أو بآخر بين المرأة وقطاع الطرق ؟ مفيش علاقة بتيتاً ده حتى المرأة غلبانة و مالهاش في قطع الطريق خالص هذا فراق بينى وبينك متى ولمن تقولها ؟ ده أنا والله صبورة و دايماً بستحمل أي حاجة بس غالبا للصبر حدود كيف هو غداً ؟ الله أعلم بس أعتقد انه أحسن من النهردة شوية إن شاء الله لمن تمرر التاج ؟ انا مش عارفة مين جاوب و مين لسة بس اللى جاوبه يعرفني التاجات لسة كتير أدهم نكهة مغربية مامة مازن مامة مازن أنا مش ناسية تاجك وهرد عليه قريباً إن شاء الله

هناك 18 تعليقًا:

Mona يقول...

السؤال الوحيد الى سوف أجيب عنه هو المنصب أنا نفسى أكون وزير الاعلام علشان الغى الاعلانات كلها واولها سرحان ونفيسة 2 ( حقى ولا مش حقى - حقى ولا مش حقى للصبـــــــــــــــــح)

مامة مازن يقول...

ايوه كده الحقى نفسك وقولى هجاوب التاج عارفة لو مكنتيش قولتى آخ كنت هخلى نور تعضك هههههههههههههه
ربنا يخليكى ويبارك فيكى وليكى وعليكى
بس دا انتى ورا استاذ ادهم كده على طول فكيها شوية هههههههههههههههههه ربنا يخليكم لبعض يارب ولا يفرق بينكم وجعله زوج الدنيا والاخرة يارب ( زى ستى ما بتقولى)
بس حلوة بنشحت الكلام دى يا اختشى ههههههههههههه
مهم يا ما قالوا بقى هههههههههههههههه
الحب بيتقال برموش العين مش كده واللا ايه
باين فى كلامك الطيبة يا دعاء احسبك على خير ولا نزكى على الله احد ربنا يخليكى ويخلى اسرتك الطيبة
دمتى بخير وسعادة وهنا

نكهة مغربية يقول...

كده يا دعاء ططططااااييييبببب
و الله اجابتك بتقول انك دبلوماسية 100*100
و في نفس الوقت دمك خفيف زي كل المصريين يعني
ههههههههه

شكرا حبيبتي على الهدية اللطيفة دي
زي ماقلتي لسه التاجات جية كتيير و تخفيش مش حنساك في واحد منهم
هههههههههه

بنت أبيها يقول...

:)

اصبح كره التاجات امر منتشر بين المدونين

على الرغم من ذلك نجد التاجات تمرر

لكن صدقا لو كنت اعرف انك مش تحبي التاجات

مش كنت مررته

لكن اجابات مميزة

Mona يقول...

نسيت اقولك أوعى تبعتيه لى انا ماليش فى التيجان خالص :))))) وكمان نسيت أقولك الراجل قالك يازوجتى الحبيبة أنت حتنهبى بقى ولا ايه :)))))عايزة كلام تانى لا ده كده اوفر اوفر - أوعى توعلى ربنا يخليكم لبعض أنا بس بنغشك

دعاء يقول...

Mona
لا حقك و الله ده احنا اتهرينا اعلانات مالهاش لازمة.بس مش عارفة الناس دي بتجيب الأفكار دي منين ومتخيلة انها هتعجب مين.ياله امرنا لله نتحملها لغاية ما تمسكي الوزارة ههههههه.

....................

مامة مازن

ستك دي شكلها عسل قوي أصل مفيش أجمل من دعوة حلوة من القلب .ربنا يخليها لكم.
الكلام برموش العين بس احنا عمرنا مابنزهق من الكلام الحلو بنحس كدة ان التعب ليه قيمة..بس نقول لمين ومين يسمع..ساااااامع ههههههههه
آه دة انا طيبة قوي بجد وكل اللي يعرفوني يقولوا كده .لا وحنينه حنية يا بنتى هههههههههه
ربنا يخليكي و يخليلي زوقك


................

نكهة مغربية

ربنا يكرمك يا زووووق
أيوة هو احنا المصريين خفيفين قوي و كمان بنحب نهزر(زيادة عن اللزوم).
مستنية اجاباتك حبيبتي

دعاء يقول...

بنت أبيها

لا لا لا انا مش بكره التاجات بس مش بحبها فاهمة حاجة ههههه
أصل التاج مسئولية وانا شكلي مش من اللي بيتحملوا المسئوليات قوي (ارجعى لسؤال المنصب فوق وانتى تصدقيني)

تسلميلى يا قمر ومتتأخريش عليا تاني

دعاء يقول...

Mona
تعالى هنا انتى متخيلة انك هتفلتي
شوفى انا كاتبه البوست من كام يوم وكنتي مكتوب اسمك بس لما شوفت بوستك الأخير وعرفت انك متدايقة شيلته وقلت بلاش اتقل عليكي
بس انا هستنى ردك إن شاء الله فى الوقت اللى يناسبك لأنى بصراحة متوقعة اجابات جامدة منك.ماشى

و بعدين انا عارفة انك بتناغشى و متقبلة منك ومن أصحابي أي كلام تسلميلى دايما.

يالة بقى انا عاوزة مزاجك أحسن وتكتبي لنا حاجة حلوة زى مانا متعودة منك (سر بينى و بينك احنا بنقرأ أى بوست ليكى ونتناقش فيه انا و أدهم يبقى ما تقطعيش العادة) هههههههههههه

نكهة مغربية يقول...

حاضر حبيبتي ان شاء الله في أقرب وقت ممكن حجاوب على التاج

دمتي في رعاية الله و حفضه

شمس النهار يقول...

ازيك يادعاء اخبارك ايه
اجابات التاج جميله ربنا يحلي لك ايامك
ويكرمك
معلش انا مش برد عندي في المدونه عليكم
بس بدخل اتابعكم عشان الوقت صيق
ومش عايزه اغيب عن مدوناتكم كتير

دعاء يقول...

شمس النهار
و الله انا مقدرة كان الله في عونك وترجعي لنا بالسلامة يا رب .خلي بالك من نفسك

عمرو يقول...

اٍجابات لطيفه و بتنم عن شخصيه هادئه و متواضعه ..
أشكرك أنك عرفتينا جوانب من شخصيتك كانت غير معلومه و دى من فوائد التيجان اللى كتير من المدونين مش بيحبوا يجاوبوا عنها رغم أنها مفيده فى رأيى ..
تقبلى تحياتى و تقديرى ..

مامة مازن يقول...

ازيك يا دودى يا عسل انتى

akeed يقول...

شخصية رائعة ربنا يوفقك فى حياتك و يحفظ اطفالك

Lady E يقول...

يا عيني يا عيني ع الاجابات ايه الجمال دا

عجبني اوي اجابة السؤال ولماذا لا نعيش ونتعلم في نفس الوقت مع ان بيقولو صاحب بالين كداب :)

وبعدين هي كلمات الحب بتتبخر نياهاهاهاها ليه هي ميه ولا ايه بيتهيألي كلمات الحب بتتحفر في القلب ودايما بنفتكرها

عمادخلاف يقول...

السلام عليكم ورحمة الله وبركاته
بجد صعب جدا ان انسان يكتشف نفسة لكن كل يوم بنعيشة بنحس اننا لسة ما اكتشفنا انفسنا
ارجو التواصل
لدى مدونتين واحدة للقصة والتانية للمقالات بحلم ببكرة

دعاء يقول...

أستاذ عمرو
شكرا لزوقك و للمرور

...............

akeed
شكرا ليك بجد أولا لمرورك وثانيا عشان عرفتني بمدونتك الجميلة
بارك الله فيك وفى شبابنا


...............

Lady E

أهلا بيكي يا عثثثثثل
احنا لازم نعيش ونتعلم أو نتعلم ونعيش الاتنين موصلين لبعض ههههههههه
وكلمات الحب بتتبخر لما المحب بيكتفى بالكلمات ومفيش معاها أفعال ,ساعتها بتكون الكلمات زى البخار شوية هوا ويطيروا
خلى بالك من نفسك واسمعى كلام بابا وماما يا شطورةههههههههه

الجواز و سنينه يقول...

اجابات جميله جدااااااااا
و برضوا اصر ان التاج ده منرفزنى بس فيه ناس اجابتها هيه اللى محلياه و انتى منهم
تحياتى