الزبادي البيتي

دي طريقتي المتواضعة لعمل الزبادي في البيت

و بدون مقدمات 

هي مش صعبة والنتيجة زبادي أفضل و أنظف

هنحتاج:

• 1 كيلو لبن
• نصف كوب زبادي سادة (مش فواكه)

الطريقة:
 نضع اللبن في إناء مناسب على النار و نغليه.

نسيبه يبرد ويكون دافيء

نتخلص من الوش اللي هيظهر فوق اللبن

نضيف ربع كوب لبن للزبادي

نخلطهم كويس

نضيف الزبادي للبن

نقلبهم كويس حتى يمتزجوا

نعبي الخليط في برطمان كبيرمغسول و جاف

ممكن نضاعف الكمية زي ما نحب

أو نستعمل أكواب فردية

الكمية بتعمل 5 أو 6 أكواب حسب المقاس

يجب ان نحافظ على درجة حرارة الزبادي لمدة 8 ساعات

بإحدي الطرق التالية:

1- توضع في إناء اكبر به ماء دافئ وتوضع في الفرن ونترك لمبة الفرن مضاءة

2- توضع في كولمان فيه ماء دافئ ويغلق جيدا

3- نستعمل صانعة الزبادي وهي تحافظ على حرارة الزبادي المدة المطلوبة

بعد مرور 8 ساعات توضع في الثلاجة

  

يا رب تكون عجبتكم

أنا بفضل طريقة البرطمان عشان بآخد منها حسب الطلب

كمان لو حابين نعمل ليها طعم لفاكهة مفضلة

ممكن نضيف معلقة من المربى المفضلة في الأكواب الفردية

وبعدين نضيف الزبادي ونكمل عادي