سر الاختفاء

السلام عليكم ورحمة الله و بركاته

كل سنة و انتو طيبين

يا رب سنة هجرية وسنة ميلادية جديدة وسعيدة علينا كلنا

أولا أحب أشكر كل الأصدقاء اللي سألوا عني في غيابي

عارفة اني اتأخرت عليكم كتير (تقريبا شهر ونص)

بس كنت و مازلت مشغولة بالشغل و البيت والأولاد (كالعادة)

واليوم أساساً بقى قصير جداً في الشتا

يعني يدوب ارجع البيت وأطبخ و نتغدى و نشوف الواجب و الولاد يناموا

تلاقي خلاص اليوم خلص ومفيش وقت غير للنوم

حتى الوقت اللي ممكن افضى وأقعد على الكمبيوتر

ببقى مشغولة (بهوايتي الجديدة)!! اللي هي مواقع الـ PTC

ناوية إن شاء الله أعمل لكم بوست كامل عن الموضوع ده وتجربتي فيه

بس لما أركز شوية عشان بجد موضوع لذيذ و مسلي

 وبيكسب فلوس كويسة للي يهتم و يجيد إدارة حسابه فيها

يا ريت لو حد عنده فكره عن الموضوع أو ليه تجربة فيه ناجحة أو فاشلة

يعرفني.

انتظرونيييييييييييي

ههههههه

سلام

قرأت لكم

قرأت في مدونة احدى الصديقات احدى معذوفاتها الجميلة 

و هذا جزء منها 

 

أشبه كل فتيات العصر

أشبهم فرحا

أشبهم حزنا

فكلنا أمواج للبحر

كلنا أميرات الأسطورة

باكيات سرا

ضاحكات في الجهر

نغمة من نوتة حزن

رعشة فى اليد

ودمعة محبوسة تحت الجفن

لقراءتها كاملة يمكنكم زيارة مدونة روح هائمة

طرطشة ألوان : بنفسجي

من ألواني المفضلة

 

دي بقى كان لازم أحطها

أول يوم

- انتي جديده هنا؟

- آه.

- شكلك صغيره.

- يعني.

- مواليد كام.

- 79

- ياه..يعني أنا كنت في ابتدائي و أنتي بتقولي على السكر( أوكر).

و ضحك

قلبها اتخطف

قالت لنفسها " أنا بحب الوش اللي لما بيضحك تضحك عينيه معاه"

و ما كانتش تعرف.. 

                                         إيه اللي هيحصل ..

                                                                                      أو المستقبل مخبي ايه..

عالم أطفال أطفال أطفال

عجبتني

I red this today and I wanted to share,I felt it very much

It's about Abortion

Please don't hurt me mommy.
I am helpless, too.
But when I get older.
I'll be there for you.

I can move my fingers.
I can move my toes.
I'm a real person,
even if you don't show.

I know you feel sorrow.
I know you feel pain.
But just wait 'til you see my smile,
You have so much to gain.

I'm sorry you are troubled.
I'm sorry for your strife.
But I'll love you anyway,
If you just give me life.

Please don't hurt me mommy.
I don't know what to do.
Someone is trying to kill me,
And I think that someone is you

by Andrew Byers, Indiana.

الكتابة و أنا

أريد أن أكتب ولا أجد ما أكتبه

لدي الكثير و عندي من الأمور ما يكفي لصفحات و صفحات

و لكني أتسائل

من يهتم بما سأكتب أو من يهمه الأمر؟

لماذا أريد أن أخبر أحداً بفرحتي بأحمد ابني و هو يرتدي الزي المدرسي

 و يدخل إلى الصف الأول الابتدائي

و كأنه أول من يدخل إلى المدرسة

و لماذا أريد أن أتكلم عن نور و هي تذهب إلى الحضانه

و البكاء الصباحي اليومي عندما أتركها هناك و أذهب

هل أتكلم عن انشغال عقلي لدرجة أن أنسى المرور عليها لأصطحبها للبيت

و أعود للبيت من دونها و الحمد لله أن زوجي كلمني وقال لي أنه سيمر و يحضرها للبيت

من يهتم؟

أتسائل هل أكتب لنفسي أم للآخرين.

هناك ماأكتبه في أجندتي الخاصه

فلا يراه أحد أو يقرأه

و زوجي ليس ممن يقتله الفضول

ليعرف عن ماذا أكتب

فهو يحترم خصوصيتي

إذن فأنا أكتب ليرى الآخرين

ما الجديد في حياتي

و بماذا أهتم هذه الأيام

قد يستفيد البعض و قد يظن البعض أنها تفاهات,

قد أستفيد أنا من آراء الأصدقاء و من خبراتهم

و ربما أستفيد أنا من مجرد الكتابه.

أعتقد أن السبب الأول لكتابتي

هو رغبتي بأن يعرف أولادي بعد سنوات

عن حياتي و عن طفولتهم

قد أكون موجوده و قد لا أكون

المهم ان تسامحني نور عندما تعرف اني نسيتها في يوم من الأيام

طرطشة ألوان : أزرق

الأزرق ده بقى عشان خاطر منى حبيبتي

جبتهولك بكل درجاته

و في كل الأماكن

حائط وفرش و اكسسوار

 

الأتنين دول بقى عجبوني

 

 

العروسة اللعبة أصبحت عجوز

بعد ان كبر الأطفال و أراد الأهل الإحتفاظ باللعب للذكرى

و بعد مرور 11 سنة من الإحتفاظ بلعب الأطفال

اكتشف أصحاب هذه الدمية أنها أصبحت تشبه سيده عجوز

أو الزومبي

 و لكم أن تتخيلوا الفزع اللذي أصيب به من اكتشف اللعبه.

حاول المحللين تفسير الأمر بأن الدميه كانت مسكونه

لكن

يبقى الأمر غامضاً

تم بيع هذه اللعبة بمبلغ كبير.لم يعلن عنه

فما رأيكم...هل تصدقوا أنها مسكونه أم لكم رأي آخر؟

أفكار للأطفال

كل سنة وانتوا طيبين
بمناسبة بداية العام الدراسي و السنة اللي شكلها هتبقى غريبة و ربنا يلطف بينا و بأولادنا
جايبالكم النهردة شوية صور و أفكار لوجبات الأطفال خاصة من سن سنتين لـ 5 سنين يا رب تعجبكم

اللي نفسي أعرفه ايه الكوره البيضاء اللي فوق دي

تفتكروا جبنة موتزاريلا

ها حلوين ..طيب عاوزين كمان..

بس كنت حابة اقول ان الحاجات دي للأطفال بس يعنى ها تتفتشوا وانتو خارجين من عندي بلاش بقى حركات الخباثة

طرطشة ألوان : أخضر

نكمل مع أفكار للبيت بس بلون جديد

الأخضر بدرجاته

عندك 5 طرق لحياه أسهل و أبسط

الحياة مليئة بالزحام والمسئوليات والأعباء اللي بتضغط على أعصابنا و مش بتخلينا نركز في أي حاجة .ممكن نجرب 5 وسائل لتبسيط الحياه :

1-اشتري كل لوازم البيت مرة في الأسبوع ولو اللبن خلص خلال الأسبوع عادي اشربوا ميه و لو مفيش مكرونة اطبخي رز و أجلي المكرونة البشاميل للأسبوع الجاي وابقي اعملي حسابك و انتي بتشتري.كدة حتى جوزك هيرتاح من المشاوير المفاجأة أو أولادك لو كبار وبيشتروا الحاجات يوميا لما بتطلع عينهم.

2-استخدمي نتيجة أو أجندة من اللي بيتكتب فيها الحاجات اللي ناويه تعمليها خلال الأسبوع أولا عشان تفتكريها و ثانيا عشان تلتزمي بيها يعني لو ميعاد دكتور أو مواعيد دروس الأولاد أو زيارة لأحد الأقارب أو غير الأقارب (مجاملة يعني) أو حتى حاجة عاوزة تعمليها في البيت.

3-وافقي انك تعملي الحاجة اللي انتي عاوزة تعمليها بس كلمة لا مهمة جدا عشان تعيشي حياه أبسط من غير ضغوط و مش عشان في شخص او أشخاص شايفين انك المفروض تعملي حاجة او تروحي مكان يبقى لازم تعمليها و انتي بتاكلي في نفسك و تندمي كمان بعد ماتعمليها وتقولي أنا ليه ما قلتش لا.كلمة لا مش دايما غلط .

4-اليوم مقسم بطبيعته التزمي بالتقسيمة يعني اليوم طبيعي (بالنسبة لى) مقسم لــ فترة الصبح لما يبدأ الشغل و بعد الظهر لما نرجح من الشغل وفترة المساء وقت العشاء وبداية الهدوء وفترة ما بعد نوم الأولاد ( احلى وقت في اليوم ) لما البيت يكون هادئ . يبقي قسمي أعمالك مع كل وقت مناسب .و طبعا كل واحد أكيد عنده الخطوط العريضة في يومه يعني مش لازم تقسيمتي تمشي مع الجميع بس أعتقد انها مش هتختلف كتير.

5- خططي لشيء واحد في اليوم أقصد ان يكون ليومك سمة رئيسية تكون أهم حاجة في يومك النهردة زي: زيارة لازم تتم لأنك أجلتيها كتير أو أخلص شغل متأخر عندي أو أكوي كل الهدوم اللي بقالها أسبوع أو أغسل كل الشبابيك أو اشيل الهدوم الصيفي و احط الشتوي .يعني حاجة لازم اليوم ما يعديش إلا لما تخلص حتى لو هتخلص على مراحل.