الأحد، 5 يوليو 2009

أبسط الأمور

أحيانا تكون أبسط الأشياء في الحياه و أصغرها هي أكثر الأمور متعة و إرضاءاً للنفس, فقط إذا أبطأنا الأمور في حياتنا وأمعنا النظر و أعدنا التفكير فيها . كشم رائحة مولودك الجديد. أو النظر إلى أقدام طفلك الصغيرة. أو كلمس خديه الناعمين( المكلبظين). أو كسماع ضحكته من القلب. أو حدوث موقف لا يمكنك فيه سوى قول سبحان الله. كل هذا يمثل لحظات من الزمن وسوف تتغير عما قريب فطفلك سيكبر ولن تبقى الأشياء كما هي. وعندما أفكر في هذا تدمع عيني فقريبا أطفالي بإذن الله سوف يكبروا.وعندها لن يحتاجوا لأمهم كما يفعلوا الآن أو لن يعتمدوا عليها بنفس الشكل. وقتها لن تكون بوسة وحضن من ماما هم العلاج عند حدوث مكروه لهم لا قدر الله أو لتسكين آلامهم.و لن تمثل يدي الأمان لهم عند عبور الطريق. و لهذا أحاول كلما أستطيع أن أستمتع و أمتص كالاسفنجة كل هذه اللحظات . فهي في المستقبل القريب لن تكون كما هي الآن. طبعاً أن هذا لن يحدث إلا بعد 20..25..35..40 سنة لأنهم في نظري سوف يبقوا أطفالي الصغار دائما رضوا أو أبوا. و لكن هناك بعض الأشياء التي لا أعتقد أني سأفتقدها.

هناك 24 تعليقًا:

Mona يقول...

لا يادودو ماتخافيش برضة فيه بوسة وحضن وكل مرحلة وليها حلاوتها ماتفكريش خاليكى وأستمتعى دلوقتى بطفولتهم وربنا يخليهم لك وأن شاء الله تشوفيهم فى أحسن حال وطول ما أنت حنونة وعاطوفة هم كمان حيبقوا معاكى كده ربنا يحفظك أنت وزوجك لهم

نكهة مغربية يقول...

و الله يا عسل بقالك مدة و انت مختفية و الله وحشانا تدويناتك
أنا معاكي يا دعاء في كل اللي قلتيه و الله
حتى لأخر كلمة
خصوصا أخر الجملة ههههههههههههههه
الله يطول في عمر يا حبيبتي حتى تشوفهم متل ما تحبي
الله يسعد أيامك مع أولادك

أدهم يقول...

دعاء
هذه هي سنة الله في خلقه ومن غرس شيئا سوف يجنيه فإن غرست حبا وحنانا فانتظري جناه وتبقى الذكريات عالقة في الوجدان كذخيرة لمواجهة مستجدات الحياة وتقلبات القلوب لتكون بمثابة الماء البارد الذي يغسل قلب الأم إن راودها عقلها أن تتخذ موقفا لايُرضي قلبها واسأل الله أن تقر عيوننا بأبنائنا الأحبة ونسعد بهم يا زوجتي الحبيبة

مامة مازن يقول...

ههههههههههههههههههههههههه
يعنى تدمعى عينى وبعدين تموتينى من الضحك
طب دى احلى حاجة لما تحسى انهم عايزين وبيحاولوا يعتمدوا على نفسهم
لكن الحب والحنان ده هيفضل بينا وبينها حتى ينتهى اجلنا فى الدنيا هذا ما جبلنا عليه والحمد لله
يسعدنى جدا انهم يكبروا ويعتمدوا على نفسهم لكن اخاف لما اكبر انا ملقاش ايدهم الحنينة تطبطب عليا
لازم نعلمهم قبل كل شىء الحب والحنان واننا نحافظ على مشاعر بعض ودى حاجات بتتعلم برضه بالتصرفات والكلام والفعل والطفل اذكى مما نتصور بيخزن فى مخه كل حاجة
علشان كده اتمنى من الله ان اللى بزرعه فيهم اخد ثماره لما اكبر وابقة عجوز دا لو فى العمر بقية


تسلمى يا دودو يارب ويبارك فى احمد ونور وتخاويهم يا اختى واللا عاملة اضراب زيى
دمتى بخير يا شرباتات

Unknown يقول...

ربنا يبارك لك في أولادك
أنا معرفتش الأحساس ده الا لما بقى لي إبن

Mona يقول...

دودو رجعت لك تانى حبيت أقولك على فكرتين كنت بعملهم وأنا فى سنك :))) الاولى حتعجبك لانك بتكتبى حلو أوى وهى أنك تسجلى الاحداث الحلوة الخاصة بأولادك علشان تقريها لهم لما يكبروا لانهم مش حيفتكروا أوى أحداث الطفولة وحتلاقى عندك حوادييت كتير جدا والوقت الى حتحكى لهم عنها حيبقى برضة أن شاء الله ممتع أما الفكرة الثانية فهى التصوير تصوير لحظات كتيرة لهم ومعاهم مش بالضرورى تحطى الصور فى براويز فى البيت أنا عارفة أنه مش كل الناس بتحب موضوع الصور ده فى البراويز لكن حطيهم فى البومات صور وحطى على كل صورة تاريخ ومكان وتعليق صغير وشيليهم أنا السنة ديه طلعت صور أبنى لما كان لسة بيمشى بالماشية وقعدنا نضحك ونفتكر الصورة ديه فين وكانت أمتى الوقت ده بيقربنا من بعض وهم كبار وبيفكرنا بحجات حلوة كتير أنا أفضل التصوير الفوتوغرافى مش الديجتال علشان الاحتفاظ داخل الالبوم أمن أكتر من الكمبيوتر معلش طولت عليكى هى مجرد فكرة كنت بعملها كانت حاجة لطيفة حبيت أشاركك فيها -

دعاء يقول...

Mona
أعتبر ده وعد
ربنا يكرمك يا رب ويخلي لك أولادك

بالنسبة لتعليقك الثاني:
شكرا لاقتراحاتك هي بجد مفيده لأن الذاكره مهما كانت مش بتستوعب كل الأحداث.
أنتي تنوري في أي وقت

دعاء يقول...

نكهة مغربية

أنا موجودة والله بس كل الأيام ما بتعدي كل مابيكون الرجوع أثقل
ربنا يحفظك ويكرمك

دعاء يقول...

أدهومة
انت عارف أولادك بيجروا ويجرونا وراهم واحنا مش لاحقين حتى نتمتع بيهم ولا معاهم.
ربنا يخليكم ليا ويبارك لي فيكم ويخليك لينا يا حبيبي.

دعاء يقول...

مامة مازن
حبيبتي هي الدنيا ايه غير شوية ضحك وشوية دموع وشوية حاجات فوق بعض.ههههه
ربنا مش بيضيع تعب حد بس الخوف انهم يفضلوا فاكرين لينا لحظات الغضب والخروج عن الشعور اللي بتحصل معاهم مننا.
ربنا يستر و أحمد مايفضلش فاكر لي الحرق اللي حرقته له في رجله.(وش هيموت من الكسوف)

و بعدين خدي هنا ..أخاوي مين يا ماما دول اتنين وجننوني خلاص.
ربنا بس يقدرنا ونربيهم على ما يحب ويرضى.
تسلمي لي يا عسسسسل

دعاء يقول...

انترنتاوي
فعلا مش بيحس الكلام ده غير مجرب
ربنا يحفظهولك ويفرحك بيه(هو و اخواته الجايين إن شاء الله)

مامة مازن يقول...

بقولك ايه ابعتى لى حكاية الحرق دى ايه بسرعة
على ما اعتقد انه حصل وهو صغير لسه بيتعلم المشى وكان واقف فى المطبخ وسهو منك حاجة وقعت عليه ها صح واللا ايه ابعتيلى ع المدونة وانا هابقى اجيلك تانى

Lady E يقول...

يا حبيبتي ربنا يباركلك فيهم ويقر عينك بيهم

عمرو يقول...

ربنا يفرحك بيهم يا رب ..
و لعلمك برضو مهما العيال كبروا و أشحطوا و راحوا بيوتهم و أتجوزوا و خلفوا حبفضلوا برضو فى عينينا زى ما هم و دايما منحتاجينا جنبهم .. أو على الأقل هكذا أشعر تجاه بنتى أم أحمد :)
و حتى الأشياء اللى حضرتك جاسه أنك مش حتفتقديها صدقينى حتفتقديها برضو :)
تقبلى تحياتى و تقديرى ..

دعاء يقول...

مامة مازن
بلاش احراج بقى و بعدين ربنا أمر بالستر
بس أحب اقولك ان اللي حصل مش اللي انتي قلتيه خالص


...........
Lady E
شكرا يا قمر
انتي عاملة ايه في الغربة؟

دعاء يقول...

عمرو
ربنا يخليلك أحمد و أم أحمد وتفرح بأخواتها إن شاء الله.

وبعدين ده انت كدة جربت معزة ولد الولد كمان يعني واضح ان الحياة فيها أكتر من اللى احنا بنتخيله.
ربنا يحفظك و يكرمك.

مامة مازن يقول...
أزال أحد مشرفي المدونة هذا التعليق.
مامة مازن يقول...

انا بحب اسم مامة مازن على فكرة

دعاء يقول...

عاشت الأسامي يا مامة مازن و أظن مفيش أحلى من معنى اسمك.

ألف ألف سلامة على مازن بس هى لسة ليها أثر في ايده ولا اختفت.متزعليش نفسك فعلا الأطفال ياما بيتحملوا.
ربنا يخليهم ويحميهم.

مامة مازن يقول...

لسه فعلا فى اثر فى كف ايده وهو مش هيروح خالص بس بمرور الايام الجلد بيتجدد والحمد لله
بحمد ربنا والله انها جت على قد كده
تسلمى يا عسل
وفعلا والله الاطفال يا ما بتقاسى ربنا يخليهم يارب

Lady E يقول...

الغربة مش غربة البلد يا دودو

الغربة غربة النفس ربنا يعينني عليها ويعين اللي بيحس بيها

تسلملي يا بلدياتي يا جميلة

مامة مازن يقول...

صحيح يا دودى ميرسى استجابتك لطلبى ولغيتى التعليق
اسرار عسكرية بقى ههههههههههههههههههه

مامة مازن يقول...

بقولك ايه انا حاسة انى جيت كتير وغلسة بس خدى ده هيعجب الاولاد
http://funnylogo.info/create.asp

UncŁē Sam يقول...

السلام عليكم اولـ زيارة لمدونتك
بجد كلامك جميل ده انا حتى كنت هعيط والنعمة
ربنا يخلينا الواد ابو خد مكلبظ

تفاصيل من حياتي كل يوم بيومه