واحد مراته عاوزة تخلعة جاب الرشاش وقتلها هي وحماته وبنته الكبيرة ده غير المصابين ..تصدقوا!!
طب هي أكيد مش هتفكر في الخلع إلا آخر الحلول عشان انت طلعت عينها و مش راضي تطلقها في سلام أساساً انت مش راضي على نفسك الخلع طيب طلقها بما يرضي الله .أصل مش معقول تصحى من النوم تلاقيها طالبة الخلع أكيد في مشكلة شغالة من زمان وانت مش عارف تحلها أو مش راضي.
طيب تقتلها ماشي مراتك وانت حر فيها بس بنتك ذنبها ايه ده حتى حماتك مالهاش دعوة بالموضوع ولو ليها تقتلها ليه؟
بيقولوا انه كان موصى على الرشاش ده ييجي له وصاية من الصعيد يعني ده مع سبق الاصرار والترصد (زى ما بيقولوا فى الأفلام).
خلاص يا جماعة كل واحد ياخد حقه بدراعه ماشي....سلام
هناك 21 تعليقًا:
هو ده صح ولا ايه
الناس اتهبلت
ربنا يستر
سلام يا حبيبتي
وماسمعتيش عن الراجل الى رمى مراته من البلكونة وتقريبا بنته كمان أنا مش عارفة ايه كم العنف الى بقى موجود اليومين دول أنا لا أجد له أى مبرر سوى أن الناس بعدت عن ربنا وأصبحت غير راضية بعيشتها وربنا يستر على البشر وعقولهم -
دعاء
موضوع مهم وفعلاً الناس أصبحت غريبة وتصرفتها أغرب .
والمجتمع أصبح عنيف جداً .
تقبلي تحياتي .
وربنا يستر علينا كلنا .
محمـد البنا
طريق النجاح
لا دراعو اييه.....؟؟؟؟
ده يا حبيبتي رشاش ده لو كان دراعو رشاش كان جاب مروحية و ضرب الحي كلو
أكيد ده مش طبيعي الله يستر علينا يا رب
الناس دماغها وقفت تفكير وبطلوا حكاية العقل دى من زمان اوى كله بقى يتصرف بدماغ حيوانات قتل عشان هتخلعك مانا اكيد مطلع عين اللى جابوها وقارفها فى عيشتها ابقى شوف عيوبك الاول وعدلها وبعد كدا ابقى روح اقتلها ولا اعمل اى حاجة ثقافة الشعب اتنيلت اختلفت وربنا يستر
Somaya Kamal El Din
آه والله حصل الأسبوع ده هنا في دمياط
................
ماما أمولة
فعلا ربنا يستر علينا وعلى أولادنا اللي طالعين في أيام ما يعلم بيها إلا ربنا.
................
Mona
لا ماهي المصايب دي بقت كتيرة قوي ده حتى أدهم بيقول اكيد ان الراجل ده يا اما عقله مش طبيعي يا اما شارب حاجة.
بس الأكيد ان هو مفكرش في ربنا ولا لحظة قبل ما يعمل كده
MOHAMMED ELBANNA
انت عارف المجتمع بقى عنيف ليه لأن الناس حاسة ان مالهاش كبير ,و لو كنا مطبقين الشرع صح كانت الناس خافت من العقوبة الحاسمة.
................
نكهة مغربية
أكيد فعلا انه مش طبيعى وياما ناس غير سوية وعايشة بيننا وعلى وشك الانفجار في لحظة..ربنا يستر
.................
MaNoO
أصل الراجل عندنا الخلع بالنسبة لة جريمة في حقه وفعلا أكيد هو اللى بيكون دفعها لكده .ناس بقت دماغها مقفلة بعيد عنك
دعاء اذيك عاملة اية
يا دعاء احنا فى زمن غريب شويتين
كل واحد دماغه بقى فيها حاجات غريبة ماشية
اكيد مش من نحقة لا يقتل مراته ولا بنته البريئة ولا حماتة
بس اكيد كان فى ضغط نفسسى كبير ما بينهم
علشان مفيش حد يعمل كده غير مريض نفسى
مهما كان لا يوجد مبررا ابداً لجريمته
كدا تتقلب غابه
طيب تقتلها ماشي مراتك وانت حر فيها
على قد الخبر ماهو مجنون وصعب على قد دمك
ماهو خفيف
تقبلى تحياتى
و من ده كتييير !!
بس أكتر حادثه أحزنتنى حادثة الزوج اللى شال مراته و بنته هيلا بيلا و لقحهم من البلكونه و الأتنين ماتوا !!!
لا حول و لا قوة اٍلا بالله الناس أتجننت و اٍبليس الرجيم شغال على ودنه و لاقى تربه خصبه للوسوسه و الاٍجرام ..
بجد حوادث القتل العائليه زادت أوى و ما ننساش طبعا المهندس شريف اللى قتل مراته و بنته و أبنه و هم نايمين علشان خسر فلوسه فى البورصه !!
مش عارف يعنى متهيألى الحوادث دى بقت ظاهره محتاجه لدراسة المتخصصين و لا أيه ؟؟
تقبلى تحياتى و تقديرى ..
دعاااااااااااااااااااء ازيك يا عسل انتى
تحياتى ليكى يا اختى العزيزة
لسه لم اقرا الموضوع ده بس سلام ع السريع كده وحشانى يا دودى
فينك يا دعاء أنت مختفية بقالك كتير أنت وأدهم لعل المانع خير - طمننى عليكى وتحياتى لاسرتك العزيزة
السلام عليكم
............
صح الحكايه دي انتشرت جدا
كل يوم واحد ضرب نفسه ومراته واولاده بالنار وواحد رمى اولاده من البلكونه
الناس بعدت اوي عن ربنا
وبقو يجرو ورى الدنيا الي جننتهم خلاص
ربنا يحفظنا جميعا
ويكملنا بعقولنا
تقبلي اول مرور لي بمدونتك الجميله
تحياتي
السلام عليكم اولا انا دمياطى يعنى بلدياتك يعنى لازم نشجع بعض مواضيعك حلوة يادعاء بجد وبالنسبة لموضوعك الاخير انا شايف ان دى مجرد نوعية من الرجال مليئة بالغباء وبدل مايفكر فى ان مراته هتخلعه ليه لا قال هحلها كده ويشوف بقى الخلع من الدنيا وربنا يشفى ومنى سلام
مصرى دائما
حب اية بقى دى دهولة وقتل وكلام كبير مفيش حد يقبل على نفسة لو مراتة مش عايزاة يقعد معاها اكيد يطلقها على طول
الى امام دائما
وشكرا
بسم الله الرحمن الرحيم
وليخش الذين لو تركوا من خلفهم ذرية ضعافا خافوا عليهم فليتقوا الله وليقولوا قولا سديدا
يا سيدتي ليس الصعيد بهذه القسوة التي ترونها في المسلسلات
بارك الله فيكي وأصلح حالنا جميعا
Doaa, No please don't be angry, it is not intended at all, I was not sure who will be interested in Reading English thoughts, I didn't want to show off u know :)))) Please don't be angry - أنا مقدرش على زعلك ومرسى على كل كلامك الحلو وذوقك أنا بجد مش عارفة من غير تشجيعكم لى كنت حأعمل ايه -أنا سيب لك نفس التعليق على تعليقاتك ومرة تاية هنا بقوللك ربنا يخليكى لى ولكل أحبابك يا أميرة -
دودى كيفك يا الغالية
وحشانى يا دودى انتى فين
يارب تكونوا بخير واستاذ ادهم بقاله شهر على آخر موضوع ها كسل برضه ههههههههه
عموما وخصوصا اتمنى يارب تكونى بخير وسعادة موااااه لنور واحمد اممممممم وليكى يلا اعمل الخير وبس ههههههههههه
منتظرا سلامك الطيب وكلامك الاطيب مواااه
إرسال تعليق