الخميس، 11 مارس 2010

أفكار لتصميم غرفة طفلك


السلام عليكم و رحمة الله وبركاته

أخباركم ايه
وحشتوني كلكم
بلا استثناء

يا رب تكونوا كلكم بخير

عاوزة النهردة أفرجكم على شوية صور و أفكار لغرف الأطفال

أولاً لازم نعرف شوية أساسيات لما نكون بنصمم غرفة لأولادنا:
  1. نتكلم مع أولادنا لو كانوا في سن يسمح ونعرف منهم رأيهم وأفكارهم عن غرفتهم الخاصة. ديموقراطية يعني .ما تنسوش اننا في بلد ديموقراطية.
  2. الغرفة هانستعملها في ايه بالظبط يعني ممكن تكون متعددة الاستعمالات, مكان للعب و مكان للمذاكرة ومكان للنوم و كمان لو هتكون مشتركة بين أخوة, نعمل حساب للحاجات دي.
  3. نحط في دماغنا برده الأمان, مش نحط السرير تحت الشباك و نفضل طول اليوم نقول حاسب تقع من الشباك حاسب,حاسب ,حاسب , كمان ميكونش في حاجات مدببة وتسبب اصابة لو حد خبط فيها. ولو الطفل لسة بيحبي نعمل حاجز على الباب عشان مايخرجش من الغرفة ويروح مكان تاني يعمل فيه مصيبة. ربنا يحفظهم جميعاً.
  4. يكون في مكان كافي للتخزين لاحظوا ان في هدوم صيفي وهدوم شتوي وفي لعب و في كتب مدرسة وفي كتب تانية وكمان في بطاطين ومفارش السرير عشان مش كل ما نحتاج أو يحتاجوا حاجة يخرجوا يجيبوها من مكان تاني.
  5. دي حاجة بقى من عندي, الأطفال بيحبوا يعملوا مخبأ ليهم أو مكان سري, ممكن يكون تحت السرير أو خيمة صغيرة طبعاً لو المكان يسمح.
نيجي بقى للصور هي فيها اللذيذ اللي ممكن نطبقه بسهولة و فيها اللي ممكن نأخذ منه أفكار أو ألوان و كمان فيها الحاجات الخيالية شوية و اللي صعب ننفذها عندنا. يا رب تستمتعوا بيها زي ما أنا استمتعت.
















هناك 7 تعليقات:

شمس النهار يقول...

جميلة جدا اختياراتك

كلها مبهجة
تسلمي


سلامي

Unknown يقول...

صور حلوة جدا و لكن كلها يوم واحد و العيال هيخلوها أخر لخبطة
شكرا على الموضوع المميز

بنت مصر يقول...

حلوة أوي الصور

مدونتك مختلفة وجميلة

تقبلي مروري

دعاء يقول...

الحمد لله ان اختياراتي عجبتكم.

و ما ننساش دايماً ان الحب والحنان والاهتمام أهم حاجة ممكن نقدمها لأولادنا عشان نسعدهم.

شكراً لمروركم الكريم

حنين الذكريات يقول...

السلام عليكم
أكيد الصور جميلة جدا ولكنها لاتمت للأثاث الدمياطى من بعيد أوقريب وكلها مستورده كنت اتمنى تجيبى أفكار من بلدنا مش مستورده

دعاء يقول...

حنين الذكريات
أولا شكراً لزيارتك مدونتي و شكراً لاهتمامك والتعليق على الموضوع.

صدقيني مش مهم يكون ليه علاقة بدمياط أو غيرها, المهم انه يكون عملي وبسيط و يسعد أولادنا.

شرفتي المدونة

مامة مازن يقول...

دوووووووووووووودى ام العيال الغالية
وحشااااانى خالص مالص ازى احمد ونور
يارب يكونوا بالف الف خير
المهم الغرف اللطيفة دى عملتلى انقلاب هنا ههههههههههههه

تفاصيل من حياتي كل يوم بيومه