الأحد، 9 أكتوبر 2011

مدونتي العزيزة




بسم الله الرحمن الرحيم

وحشتيني
عارفة اتأخرت عليكي
بس و الله ما نسيتك
كنت ببص عليكي كل شوية
و أطمن عليكي 
من بعيد لبعيد يعني
خايفه حد يشوفني 
و يقولي كنتي فين؟
بكره السؤال ده
أنا موجوده
بس بحور الدنيا كتيرة
اللي حصل اني ......
تهت شوية

ياله قولي انك مسامحاني
نفس ارجع لك تاني
عندي حاجات كتيرة عاوزة أقولهالك
نور و أحمد بيسلموا عليكي
أفكاري ملخبطه
بس قلت لو مكتبتش دلوقت 
يمكن شجاعتي تخوني و معرفش أكتب حاجة

ممكن يكون مفيش حد بيسأل عنك
بس حبايبي دايماً بيسألوني عنك 
وبرده يقولوا
انتي فين؟
قلت محدش يسألني السؤال ده

المهم اني جيت و إن شاء الله ماأتوهش تاني

إلى اللقاء

هناك 3 تعليقات:

Lady E يقول...

المهم انك جيتي والمهم انك متتوهيش تاني يا دودو يا بلدياتي يا جميلة

وحشتيني وسعيدة برجوعك

دعاء يقول...

Lady E
ميرسي لزوقك وكمان عشان لسة فاكراني

مامة مازن يقول...

دعاء العزيزة والغالية زميلة الامومة والجرى ورا العيال وزميلة التدوين العزيزة
طبعا مش عايزة كلام انك وحشتينى بس انتى اختفيتى جدا وقلت مليون % مشاغل الحياة
انا كمان كنت تركت التدوين فترة
لكن بقالى فترة مواظبة بعتبرها مذكرات هسيبها لولادى

المهم نورتى الدنيا